Prezident İlham Əliyevin 16 iyun və 22 iyun 2023-cü il tarixli Sərəncamları ilə səhiyyə sahəsində və dövlət qulluğunda səmərəli fəaliyyətlərinə görə “Tərəqqi” və “Dövlət qulluğunda fərqlənməyə görə” medalları ilə təltif edilmiş Əmək və Əhalinin Sosial Müdafiəsi Nazirliyinin əməkdaşlarına vəsiqə və medallar təqdim edilib.
Əmək və əhalinin sosial müdafiəsi naziri Sahil Babayev təltiflərin dövlət başçısının nazirlik əməkdaşlarının əməyinə verdiyi yüksək dəyərin təzahürü olduğunu vurğulayıb.
S.Babayev göstərilən diqqət və qayğıya görə kollektiv adından cənab Prezidentə minnətdarlığını ifadə edib.
Sonra təltif olunmuş nazirlik əməkdaşlarına vəsiqələr və medallar təqdim olunub.
Sosial şəbəkələrdə də bizi izləyin:
