Sığortaolunan – barəsində sığorta fəaliyyəti həyata keçirilən Azərbaycan Respublikasının diplomatik nümayəndəliklərinin əməkdaşları.
Azərbaycan Respublikasının diplomatik nümayəndəliyinin başçısı on bir min manat, digər diplomatik vəzifə tutan şəxslər altı min altı yüz manat, inzibati-texniki xidməti həyata keçirən şəxslər isə dörd min dörd yüz manat həcmində sığorta edilirlər.
Sığortaolunanın fərdi qəza nəticəsində həlak olması və ya sağlamlığına zərər dəyməsi (əlilliyinin müəyyən edilməsi və (və ya) xəsarət alması) sığorta hadisəsi hesab edilir və sığorta ödənişləri sığorta məbləğinin müvafiq faiz nisbətlərində verilir:
- həlak olması (vəfat etməsi) – 100%;
- orqanizmin funksiyalarının 81-100 faiz pozulmasına görə - 80%;
- orqanizmin funksiyalarının 61-80 faiz pozulmasına görə - 60%;
- orqanizmin funksiyalarının 31-60 faiz pozulmasına görə - 40%;
- əlillik müəyyən edilmədən ağır xəsarət alması – 20%;
- az ağır xəsarət alması – 15%;
- yüngül xəsarət alması – 10%;
