“Azərbaycanda innovasiya və məşğulluğun inkişafı” layihəsi çərçivəsində növbəti online təlimlərə başlanılıb. “Peşəkar Uğurun Əsasları” adlı təlimdə 84 gənc iştirak edir.
Onlara 2 həftə ərzində özünü təqdimat, şəbəkələşmə bacarıqları, online biznes fürsətləri kimi mövzular tədris olunacaq, sahibkarlarla müzakirə forumu təşkil ediləcək.
“Azərbaycanda innovasiya və məşğulluğun inkişafı” proqramı Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti, BMT İnkişaf Proqramı və ABŞ Beynəlxalq İnkişaf Agentliyi tərəfindən birgə icra olunur.
Gəncə, Zaqatala və Sumqayıt şəhərlərində həyata keçirilən layihənin məqsədi peşəkar, səriştəli və işgüzar düşüncəli gənclərin yetişdirilməsi və onların yerli əmək bazarında dayanıqlı məşğulluğa nail olmalarına dəstək verməkdir.
Sosial şəbəkələrdə də bizi izləyin:
