Əmək və Əhalinin Sosial Müdafiəsi Nazirliyinin Aparat rəhbərinin müavini Cavid Əbdul-Qədirov oktyabrın 20-də Oğuz rayonunda həmin rayonun və Qəbələ rayonunun sakinlərini qəbul edib.
Müraciət edənlər sırasında Vətən Müharibəsi Qəhrəmanı, şəhid Nail İbrahimlinin valideynləri də olub.
C.Əbdul-Qədirov onların sosial vəziyyəti ilə maraqlanıb, bütün şəhid ailələrinin və müharibə veteranlarının qayğı ilə əhatə olunmasının bu gün Nazirlik üçün başlıca fəaliyyət istiqamətlərindən olduğunu bildirib.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyət dairəsinə aid müraciətləri cavablandırılıb, müraciətlərdə əksini tapan məsələlərin həlli ilə əlaqədar tədbirlər görülüb.
Sosial şəbəkələrdə də bizi izləyin:
