Dayanıqlı və Operativ Sosial Təminat (DOST) Agentliyi və Bakı Dövlət Universitetinin birgə təşkilatçılığı ilə Azərbaycan xalqının Ümummilli Lideri Heydər Əliyevin 100 illik yubileyinə və DOST Agentliyinin 5 illiyinə həsr olunmuş "Sosial sahədə müasir dövlət xidmətlərinin formalaşmasının elmi paradiqması" mövzusunda elmi-praktiki konfrans keçiriləcək. Konfrans dekabrın 15-də Bakı Dövlət Universitetində baş tutacaq. Konfrans materialları jurnal formasında Bakı Dövlət Universiteti və DOST Agentliyinin rəsmi saytlarında yerləşdiriləcək (2023), eləcə də çap formatında nəşr olunacaq (2024).
Konfransda iştirak etmək istəyən şəxslər məqalələrini 5 dekabr 2023-cü il tarixinə qədər conference_2023@sosial.gov.az elektron poçt ünvanına göndərə və ya Əmək və Əhalinin Sosial Müdafiəsi Nazirliyinin tabeliyindəki Dayanıqlı və Operativ Sosial Təminat Agentliyinin Bakı şəhəri, İsmayıl Qutqaşınlı küçəsi 86 ünvanına birbaşa təqdim edə bilərlər.
Konfransda iştirak, məqalə və tezislərin təqdim edilmə qaydaları və digər əlavə məlumatları bu keçid vasitəsi ilə əldə etmək mümkündür.
https://dost.gov.az/news/820
Sosial şəbəkələrdə də bizi izləyin:
