Böyük Qayıdış proqramına uyğun olaraq Əmək və Əhalinin Sosial Müdafəsi Nazirliyinin tabeliyindəki Dövlət Məşğulluq Agentliyi işğaldan azad olunmuş ərazilərimizin sakinləri üçün peşə kurslarının təşkil olunması işlərini davam etdirir.
Agentlik tərəfindən Qarabağ və Şərqi Zəngəzur üzrə artıq 100-dək şəxs peşə kurslarına cəlb edilib.
Onlara kənd təsərrüfatı, tikinti, sənaye, xidmət sahələrinə aid olan, əmək bazarının tələblərinə uyğun peşələr üzrə bilik və bacarıqlar öyrədilir. Ödənişsiz və müddəti 6 aya qədər olan bu kursları bitirənlərin işlə təminatına da dəstək göstəriləcək.
Qeyd olunan ərazilərə köçürülmüş, habelə köçürülməsi nəzərdə tutulan şəxslərdən müraciət edərək qeydiyyata alınmış daha 121 nəfər üçün isə peşə kurslarının təşkili məqsədilə işlər aparılır.
Peşə kurslarına:
artıq köçürülmüş, habelə bu il ərzində köçürülməsi nəzərdə tutulan işsiz və ya işaxtaran şəxslər cəlb edilir.
Həmin kurslara DOST mərkəzlərinə, məşğulluq filiallarına müraciət edərək və ya sosial.gov.az saytındakı “Qarabağ və Şərqi Zəngəzurda peşə hazırlığı” bölməsindəki linkə daxil olaraq müvafiq formanı doldurmaqla qeydiyyatdan keçmək olar.
Sosial şəbəkələrdə də bizi izləyin:
